దర్శకుడు పూరీ జగన్నాథ్ తనకు మంచి స్నేహితుడని అంటోంది హీరోయిన్, నిర్మాత ఛార్మి. నేడు (శనివారం) పూరీ పుట్టినరోజు సందర్భంగా ఓ వీడియోను సామాజిక మాధ్యమాల్లో పంచుకుందీ నటి.
పూరీ చాలా మంచి వ్యక్తి. వ్యాపార భాగస్వామిగా, మంచి స్నేహితుడిగా అతడు ఉండటం నా అదృష్టం. కష్టపడే తత్వం ఉన్న అలాంటి వ్యక్తిని నా జీవితంలో చూడలేదు. ప్రతి ఒక్కరు సంతోషంగా ఉండాలని పూరీ కోరుకుంటాడు. థ్యాంక్స్ ఫర్ ఎవ్రీథింగ్.
-ఛార్మీ, సినీ నటి-నిర్మాత
హీరో రామ్.. సోషల్ మీడియా వేదికగా పూరీకి శుభాకాంక్షలు తెలిపాడు. "నా జీవితంలో ప్రియమైన వ్యక్తికి పుట్టినరోజు శుభాకాంక్షలు. ఈ సందర్భంగా 'ఇస్మార్ట్ శంకర్' సినిమాను రీరిలీజ్ చేస్తున్నాం" అని చెప్పాడు.రౌడీ హీరో విజయ్ దేవరకొండ.. పూరీ జగన్నాథ్కు పుట్టినరోజు శుభాకాంక్షలు తెలిపాడు.
'ఇస్టార్ట్ శంకర్' విజయం తర్వాత పూరీ జగన్నాథ్ తెరకెక్కిస్తోన్న చిత్రంలో విజయ్ దేవరకొండ హీరోగా నటిస్తున్నాడు. పూరీ, ఛార్మి సంయుక్తంగా నిర్మిస్తున్నారు. ఫైటర్ అనే టైటిల్ పెట్టినట్లు వార్తలు వస్తున్నాయి.
ఇవీ చూడండి.. హీరో వెంకటేశ్ చేతుల మీదుగా 'త్రీమంకీస్' టీజర్
