రవితేజ సరసన 'గాలి సంపత్' భామ!

మాస్ మహారాజా రవితేజ హీరోగా త్రినాథరావు నక్కిన దర్శకత్వంలో ఓ సినిమా పట్టాలెక్కనుంది. ఇందులో హీరోయిన్​గా లవ్​లీ సింగ్​ పేరు ఖరారైనట్లు సమాచారం.

తొలి సినిమా విడుదల కాకముందే కొత్త భామ లవ్‌లీ సింగ్‌ మరో అవకాశాన్ని చేజిక్కించుకుందా? ఆమె రవితేజకి జోడీగా నటించబోతోందా? అంటే అవుననే అంటున్నాయి తెలుగు సినిమా వర్గాలు. త్రినాథరావు నక్కిన దర్శకత్వంలో రవితేజ హీరోగా ఓ సినిమా రూపొందబోతుంది. ఇందులో ఇద్దరు భామలకి చోటుంది. ఇందులో ఓ నాయికగా లవ్‌లీ సింగ్‌ని ఎంపిక చేసినట్టు సమాచారం.

శ్రీ విష్ణు హీరోగా నటిస్తోన్న 'గాలి సంపత్‌'తో తెలుగు తెరకు పరిచయమవుతోంది లవ్​లీ. ఈ చిత్రం శుక్రవారం (మార్చి 11) ప్రేక్షకుల ముందుకు రానుంది.

ప్రస్తుతం రవితేజ రమేశ్ వర్మ దర్శకత్వంలో 'ఖిలాడి' చిత్రం చేస్తున్నాడు. ఈ సినిమా పూర్తయ్యాక త్రినాథ రావు నక్కిన దర్శకత్వంలోని సినిమా పట్టాలెక్కే అవకాశం ఉంది. ఇందులో ఇద్దరు కథానాయికలకు చోటుందని సమాచారం.