నిత్యం అనేక పుకార్లతో వార్తల్లో నిలిచే సారా అలీఖాన్, కార్తీక్ ఆర్యన్ ఇప్పుడు మరోసారి వైరల్ అయ్యారు. అయితే ఈసారి ఈ జంట అందర్ని ఆశ్చర్యానికి గురిచేసి నవ్వులు చిందించింది. 'లవ్ ఆజ్ కల్' చిత్రంలో నటిస్తోన్న సారా, కార్తీక్ నోటిలో స్పూన్, నిమ్మకాయ పెట్టుకుని సరదాగా డ్యాన్స్ చేశారు. ప్రస్తుతం ఈ వీడియో సామాజిక మాధ్యమాల్లో వైరల్ అవుతోంది. ఈ సినిమా ట్రైలర్ కూడా ఎంతగానో ఆకట్టుకుంది. ఇప్పటికే విడుదలైన రెండు పాటలకు మంచి స్పందన లభిస్తోంది.
"జీవితంలో ప్రతిదీ ఒత్తిడిగానే ఉంటుందని నమ్ముతా.. ప్రతిరోజు నేను చేసే పనిని ఎంతో ప్రేమిస్తా. ఎప్పుడూ దాన్ని ఒత్తిడిగా భావించను. కానీ నేను ప్రముఖ నటుడు సైఫ్ అలీఖాన్, అమృతల కుమార్తెననే విషయమే కాస్త ఒత్తిడిని కలిగిస్తోంది. వారి కుమార్తె అయినందుకు గర్వంగా ఉంది."
- సారా అలీఖాన్, బాలీవుడ్ నటి