తమలోని విభిన్నత, టాలెంట్ను ప్రదర్శిస్తూ ఎందరో వ్యక్తులు సామాజిక మాధ్యమాల్లో మంచి పేరు తెచ్చుకుంటున్నారు. ఇటీవలే 'నగుమోము' పేరుతో వచ్చిన ఓ యానిమేటెడ్ ఆటో ట్యూన్నూ ఆనంద్బాబు ఇలానే రూపొందించాడు. తన ప్రత్యేకతను చాటుకునేందుకు పాత తరం పాటలకు యానిమేషన్ రూపొందించి వీక్షకుల మన్ననలు పొందుతున్నాడు.
ఆయన రూపొందించిన నగుమోము వీడియో ప్రస్తుతం నెటిజన్లను కడుపుబ్బా నవ్విస్తోంది. బ్యాక్గ్రౌండ్లో త్యాగరాజు పాడిన సంకీర్తనలు వస్తుంటాయి. వాటికి తగ్గట్లుగా యానిమేషన్లో ఆటోరిక్షా ఎగురుతూ ఉంటుంది. దీనిని రూపొందించిన 31ఏళ్ల ఆనంద్... ఇప్పుడు చాలా ఫేమస్ అయ్యాడు. తిరువనంతపురానికి చెందిన ఆయన ఓ యానిమేషన్ సంస్థలో కోర్సు చేసి అక్కడే ఆరు సంవత్సరాలు పని చేశాడు. ఆ తర్వాత అంచెలంచెలుగా ఎదిగిన ఆయన... ఓ ప్రముఖ సంస్థలో యానిమేషన్ డైరెక్టర్గా చేస్తున్నాడు.