నటిగా, సూపర్ మోడల్గా గుర్తింపు పొందిన లిసా రే... తాజాగా మేకప్ లేకుండా దర్శనమిచ్చింది. అంతేకాకుండా ఆ ఫొటో కింద తన మనసులోని భావాన్ని వ్యక్తం చేసింది. ఈ పోస్టు చదవిన అభిమానులు తన సహజసిద్ధమైన రూపానికి ఫిదా అయిపోతున్నారు.
" 47 ఏళ్ల వయసులో నేను ఇలా ఉన్నాను. ఇది ఎడిట్‌ చేసిన ఫొటో కాదు. మనల్ని మనలా చూసుకునే ధైర్యం మనకుందా?. ప్రతి ఒక్కరూ మీ విలువను గుర్తించలేరు. ముందు మిమ్మల్ని మీరు ప్రేమించుకోండి. మహిళలూ... మీ విలువ తెలుసుకోగలిగితే ఈ ప్రపంచం కూడా మిమ్మల్ని ప్రకాశింపజేస్తుంది".
-- లిసా రే, బాలీవుడ్ నటి
తన ఫొటోకు బాలీవుడ్ సెలబ్రిటీలతో పాటు నెటిజన్లు కామెంట్స్‌ చేస్తున్నారు. లిసాను ప్రశంసలతో ముంచెత్తుతున్నారు.
" నువ్వు ఎప్పటికీ బ్యూటిఫుల్‌. మీరు ఇలా కూడా బాగున్నారు. నేను మీ సందేశాన్ని స్వీకరిస్తున్నా. మీరు గ్రేట్ నిజంగా గ్రేట్. మీ మనసు, శరీరం రెండూ అందంగానే ఉన్నాయి" అని నెటిజన్లు తన పోస్టు కింద పేర్కొంటున్నారు.
ఈ ఏడాది లిసా తను రచించిన 'క్లోజ్‌ టు ది బోన్‌' పుస్తకాన్ని విడుదల చేసింది. అందులో తను క్యాన్సర్‌కు వ్యతిరేకంగా పోరాడిన విధానం, చిత్ర పరిశ్రమలో నటిగా ప్రయాణం గురించి ప్రస్తావించింది.
హీరోయిన్గా కన్నా రచయిత్రిని అవ్వాలనే ఎక్కువగా అనుకున్నట్లు చెప్పుకొచ్చింది. మహేశ్‌బాబు 'టక్కరి దొంగ'తో తెలుగు తెరకు పరిచయమైంది లిసా. ఆ తర్వాత ఆమె టాలీవుడ్లో నటించలేదు. ప్రస్తుతం లిసా 'ఫోర్‌ మోర్‌ షాట్స్‌ ప్లీజ్!' అనే సిరీస్‌లో నటిస్తోంది.
ఇదీ చదవండి...
