హాలీవుడ్ సూపర్హిట్ సినిమా 'ది లయన్ కింగ్'కు ప్రీక్వెల్ తీయనుంది ప్రతిష్టాత్మక వాల్ట్ డిస్నీ స్టూడియోస్. ఆస్కార్ అవార్డు పొందిన దర్శకుడు బేరీ జెంకిన్స్.. ఈ ప్రాజెక్టుకు దర్శకత్వం వహించనున్నారు. గతేడాది వచ్చిన 'ది లయన్ కింగ్' దర్శకుడు జెఫ్ నాథన్సన్.. ప్రీక్వెల్కు కథనందించారు.
అడవుల్లో సాగే కథ
అధునాతన సాంకేతికతతో ఆఫ్రికా అడవుల్ని తలపించేలా, నిజమైన జంతులనే భావన కలిగేలా 'ది లయన్ కింగ్' సినిమా తీశారు. ప్రధాన పాత్రలైన సింబా, నాలాకు ప్రముఖ నటుడు డొనాల్డ్ గ్లోవర్, నటీమణి బియోన్స్ గాత్రమందించారు. గతేడాది విడుదలై, పిల్లల నుంచి పెద్దల వరకు అందరినీ ఆకట్టుకుంది.
భిన్నమైన పాత్రలు
ప్రముఖ నటుడు జేమ్స్ ఎర్ల్ జోన్స్ గొంతు అందించిన ముఫాస పాత్ర.. ఈ కథలో కీలకం. సింబా తండ్రి ముఫాసకు 1994, 2019లో తీసిన రెండు చిత్రాల్లోనూ జోన్స్ వాయిస్ ఇవ్వడం విశేషం. ప్రీక్వెల్లో మాత్రం ముఫాస పాత్రకు చాలా ప్రాధాన్యం ఉంటుందని సమాచారం.