లాక్డౌన్ కారణంగా ఇంటికే పరిమితమైన 'అందాల రాక్షసి' ఫేం లావణ్య త్రిపాఠి.. సామాజిక మాధ్యమాల వేదికగా అభిమానులతో ముచ్చటిస్తోంది. తాజాగా ఓ ఇంటర్వ్యూలో మాట్లాడుతూ.. లాక్డౌన్ తర్వాత రొమాంటిక్‌ సన్నివేశాలకు కాస్త దూరంగా ఉంటానని చెప్పుకొచ్చింది.
"లాక్డౌన్ అనంతరం షూటింగ్‌లు మొదలైనప్పుడు కొన్ని భయాలు ఉంటాయి. సెట్స్‌లో అయితే భద్రతకే మొదటి ప్రాధాన్యం. నేను, నాతో పనిచేసే సిబ్బంది ఆరోగ్యంగా ఉండేందుకు నా వంతు ప్రయత్నం చేస్తా. లాక్డౌన్ తర్వాత షూటింగ్ చేయడం అనేది పూర్తి భిన్నంగా ఉండబోతోంది. ప్రభుత్వ మార్గదర్శకాలను తప్పకుండా పాటిస్తాం. ఇక రొమాంటిక్‌ సన్నివేశాలకు వీలైనంత దూరంగా ఉండేందుకు ప్రయత్నిస్తా"