ఓటీటీల రాకతో వెబ్సిరీస్లకు డిమాండ్ పెరిగింది. అగ్రనటులు కూడా వెబ్సిరీస్లో నటించేందుకు ఆసక్తి కనబరుస్తున్నారు. టాలీవుడ్లోనూ ఈ హవా కొనసాగుతోంది. తాజాగా ప్రముఖ నటుడు జగపతిబాబు, శరత్ కుమార్లు కూడా అదే బాటలో కొనసాగుతున్నారు. వీరిద్దరూ కలిసి 'పరంపర' అనే వెబ్సిరీస్లో నటించనున్నారు. డిస్నీ హాట్స్టార్లో ప్రసారమయ్యే ఈ వెబ్సిరీస్కు ఆర్కా మీడియా పతాకంపై బాహుబలి చిత్రాన్ని నిర్మించిన శోభు యార్ల గడ్డ, ప్రసాద్ దేవినేనిలు ప్రొడ్యూసర్లుగా వ్యవహరించనున్నారు.
ఈ వెబ్సిరీస్లో నాగేంద్రనాయుడు, మోహన్ రావ్ పాత్రలను శరత్కుమార్, జగపతిబాబులు పోషించనున్నారు. కృష్ణ విజయ్ ఎల్-విశ్వనాథ్ అరిగెలా ఈ వెబ్సిరీస్కు దర్శకత్వం వహిస్తున్నారు. జగపతిబాబు ఇదివరకే 'పిట్టకథలు', 'ఘర్షణ' మొదలైన వెబ్సిరీస్లలో నటించారు.
నేచురల్ స్టార్ నానీ కథానాయకుడిగా నటించిన చిత్రం 'శ్యామ్సింగరాయ్'. రాహుల్‌ సాంకృత్యన్‌ దర్శకత్వం వహించిన ఈ చిత్రంలో సాయి పల్లవి, కృతిశెట్టి, మడోన్నా సెబాస్టియన్‌ కథానాయికలుగా నటించారు. ఇటీవల విడుదలైన ఈ చిత్ర ట్రైలర్కు విశేష్ స్పందన లభిస్తోంది. ఈ చిత్రం తమిళ ట్రైలర్ను గురువారం సాయంత్రం 6 గంటలకు విడుదల చేయనుంది చిత్ర బృందం. తెలుగుతో పాటు తమిళ, కన్నడ, మలయాళ భాషల్లో ఈ సినిమా విడుదలకానుంది.
brahmastra motion poster: బిగ్బీ అమితాబ్ బచ్చన్, రణ్బీర్ కపూర్ కీలక పాత్రలు పోషిస్తున్న చిత్రం 'బ్రహ్మాస్త్ర'. అయాన్ ముఖర్జీ దరక్శత్వం వహిస్తున్న ఈ చిత్రంలో ఆలియా భట్, మౌనీరాయ్ కథానాయికలు. ఈ సినిమాకు సంబంధించిన మోషన్ పోస్టర్ను విడుదల చేసింది చిత్ర బృందం.
ఇదీ చూడండి :సమంత 'యశోద'లో వరలక్ష్మి.. 'లైగర్' కొత్త అప్డేట్
