వెంటిలేటర్​పై గాయని లతా మంగేష్కర్

ప్రముఖ గాయని లతా మంగేష్కర్​ను ప్రస్తుతం వెంటిలేటర్​పై ఉంచి చికిత్స అందిస్తున్నట్లు వైద్యులు చెప్పారు. నెమ్మదిగా కోలుకుంటున్నారని తెలిపారు.

భారత ప్రముఖ గాయని లతా మంగేష్కర్(90)​.. శ్వాస సంబంధిత సమస్యతోఇటీవలే ముంబయిలోని బ్రీచ్​ కాండీ ఆసుపత్రిలో చేరారు. ప్రస్తుతం ఆమెను వెంటిలేటర్​పై ఉంచి వైద్యులు చికిత్స అందిస్తున్నారు. అయితే లత.. పరిస్థితి క్లిష్టంగా ఉన్నా నెమ్మదిగా కోలుకుంటున్నారని చెప్పారు.

"ఆమె(లత) పరిస్థితి క్రిటికల్​గా ఉంది. కానీ నెమ్మదిగా మెరుగుపడుతోంది. ప్రస్తుతం ఐసీయూలో వెంటిలేటర్​పై ఉంచి చికిత్సనందిస్తున్నాం. కోలుకునేందుకు మరికాస్త సమయం పడుతుంది" -ఆసుపత్రిలో ఓ వైద్యుడు

అయితే లతా మంగేష్కర్ ప్రస్తుత పరిస్థితి సాధారణంగానే ఉందని ఆమె పీఆర్ విభాగం చెప్పింది. త్వరగా కోలుకోవాలని కోరుకుంటున్న అభిమానులకు ధన్యవాదాలు తెలిపింది.

లత.. తన ఏడు దశాబ్దాల కెరీర్​లో వివిధ భాషల్లో 30 వేల పైచిలుకు పాటలు పాడారు. భారతీయ సినీ రంగంలో ఆమె అత్యుత్తమ ప్లేబాక్ సింగర్​గా పేరు తెచ్చుకున్నారు.

ఇది చదవండి: గాయని లతా మంగేష్కర్​ ఆరోగ్యం.. కాస్త విషమంగానే!