విజయ్ సేతుపతి కథానాయకుడిగా నటిస్తున్న చిత్రం 'లాభం' పొలిటికల్‌ థ్రిల్లర్ నేపథ్యంగా తెరకెక్కిన ఈ చిత్రానికి ఎస్పీ జననాథన్‌ దర్శకత్వం వహించారు. ఈ మధ్యే ఆయన మరణించారు. విజయ్ సేతుపతి ప్రొడక్షన్స్, 7సీయస్‌ ఎంటర్‌టైన్‌ కలిసి నిర్మిస్తున్న ఈ సినిమాను తెలుగు, తమిళంలో ఏప్రిల్‌లో విడుదల చేస్తున్నట్లు చిత్రబృందం ప్రకటించింది.
ఈ సినిమాలో శ్రుతిహాసన్‌, జగపతిబాబు కీలక పాత్రల్లో నటించగా సాయి ధన్షిక, కలయరసన్ ఇతర పాత్రల్లో నటిస్తున్నారు. డి.ఇమ్మాన్‌ సంగీత స్వరాలు అందించగా.. రామ్జీ సినిమాటోగ్రాఫర్‌గా పనిచేస్తున్నారు. ఈ సినిమా సహ నిర్మాత అయిన విజయ్ సేతుపతి దర్శకుడు ఎస్పీ జననాథన్‌ మరణంపై స్పందిస్తూ..' జన సర్‌ ఏప్రిల్‌లో తెలుగు, తమిళంలో విడుదల కానున్న 'లాబం' సినిమాకి సంబంధించి చాలా పనులు మీరు పూర్తి చేశారు'' అని అన్నారు.