ఇప్పటి వరకూ చేసింది ఒకే సినిమా. అయితేనేం తన అందం, అభినయంతో కుర్రకారు గుండెల్లో గుబులు రేపింది కృతి శెట్టి. కేవలం సినిమా ప్రేక్షకులనే కాదు ఎంతో మంది టాలీవుడ్‌ హీరోలను ఆకర్షించింది. అందుకే స్టార్‌ హీరోలు కూడా ఆమెతో సినిమా చేసేందుకు ఆసక్తి చూపిస్తున్నారు.
బుచ్చిబాబు దర్శకత్వంలో వచ్చిన 'ఉప్పెన'లో వైష్ణవ్‌తేజ్‌కు జోడీగా కృతి శెట్టి సందడి చేసింది. ఈ ఏడాది ఆరంభంలో వచ్చిన ఆ చిత్రం అటు ప్రేక్షకులను, ఇటు విమర్శకులనూ ఆకట్టుకుంది. బాక్సాఫీస్‌ వద్ద భారీ కలెక్షన్లు రాబట్టి పలు రికార్డులు నెలకొల్పింది. అయితే.. సినిమాలో తన ప్రియుడిని కలిసేందుకు ఇంట్లో తండ్రితో తెగ అబద్ధాలు చెప్పే బేబమ్మ నిజ జీవితంలో ఎలాంటి వ్యక్తి భర్తగా రావాలని కోరుకుంటుందో చెప్పేసింది.