ఈ ఏడాది క్షణం తీరిక లేకుండా విసుగు, విరామం లేకుండా పనిచేస్తుంది బాలీవుడ్ నటి కృతి ససన్‌. ప్రస్తుతం 'మిమి' అనే చిత్రంలో నటిస్తోంది. సినిమా ఇప్పటికే నలభై శాతం షూటింగ్‌ పూర్తి చేసుకుంది. ఇక రెండో షెడ్యూల్‌ని వచ్చే ఏడాది ఫిబ్రవరిలో ప్రారంభించనున్నారని సమాచారం. ఈ విరామ సమయంలో ఏం చేస్తారని కొంతమంది మీడియా మిత్రులు అడగ్గా? అందుకు కృతి స్పందించింది.
"చాలా కాలంగా సినిమాల్లో బిజీగా ఉంటూ కుటుంబ సభ్యులతో సరైన సమాయాన్ని కేటాయించలేకపోయా. ప్రస్తుతం 'మిమి' షూటింగ్‌ సుమారు నలభై శాతం పూర్తయ్యింది. ఇక రెండో షెడ్యూల్ మొదలు పెట్టే వరకు కుటుంబ సభ్యులతో, నా స్నేహితులతో, ఇష్టమైన పనులు చేస్తూ సరదాగా గడుపుతా."
-కృతి సనన్, నటి