బాలీవుడ్ హీరో సుశాంత్ సింగ్ రాజ్పుత్, నటి కృతి సనన్ డేటింగ్లో ఉన్నట్లు బహిరంగంగా చెప్పకపోయినా.. వారిద్దరూ మంచి రిలేషన్లో ఉన్నారని నటి లిజా మాలిక్ పేర్కొంది. వృత్తిపరంగా సుశాంత్తో లిజాకు సంబంధం ఉంది. ఈ క్రమంలోనే ఓ బర్త్డే పార్టీలో కృతితో కలిసి సుశాంత్ ఆనందంగా గడపడం గమనించినట్లు తెలిపింది.
"సుశాంత్ను చివరగా రెండేళ్ల క్రితం కృతితో ఉన్నప్పుడు కలిశా. బాంద్రా క్లబ్లో కృతి పుట్టినరోజు వేడుక సందర్భంగా అక్కడికి వెళ్లాను. సాధారణంగా.. ఏదైనా విందు, పార్టీకి వెళ్లినప్పుడు.. ఎవరైతే ఆ పార్టీని ఏర్పాటు చేస్తారో వాళ్లు మాత్రమే వచ్చిన అతిథులకు మర్యాదలు చేస్తారు. పార్టీ ఏర్పాటు చేసిన వ్యక్తితోపాటు.. మరోవ్యక్తి కూడా అక్కడ హడావుడి చేస్తున్నారంటే.. వాళ్లిద్దరి మధ్య ఎవరికీ తెలియని అనుబంధం ఉందని అర్థం. అలాగే కృతిసనన్‌ బర్త్డే పార్టీకి వెళ్లినప్పుడు ఆమెతోపాటు సుశాంత్ సింగ్ కూడా వచ్చిన అతిథులకు సకల మర్యాదలు చేయడం మాత్రమే కాకుండా అందరితో మాట్లాడుతూ.. డ్రింక్స్‌ అందిస్తూ.. డ్యాన్స్‌ చేస్తూ కనిపించాడు. ఆరోజు సుశాంత్-కృతి సనన్ ముఖాల్లో ఎంతో సంతోషం కనిపించింది. వాళ్లిద్దరూ అంత ఆనందంగా ఉండడం చూస్తే రిలేషన్లో ఉన్నారని నాకు అనిపించింది. అదే సమయంలో వారిద్దరూ బయటకు చెప్పకపోయినా.. 'మేమిద్దరం డేటింగ్ చేస్తున్నాం' అని అందరికీ తెలియజేసే ప్రయత్నం చేశారు."