హిందీ చిత్రసీమలోని ప్రముఖ నటులు షారుఖ్ ఖాన్, ఆయుష్మాన్ ఖురానా.. శుక్రవారం జరిగిన కృష్ణాష్టమి వేడుకల్లో పాల్గొన్నారు. కృష్ణుడిని అభిమానించే బాద్ షా... ముంబయిలో ఫ్యాన్స్ సమక్షంలో ఉట్టికొట్టాడు. అతడి అంగరక్షకుడు పైకెత్తుకోగా కుండ పగులగొట్టాడు షారుఖ్. గతేడాది కూడా తన కుమారుడు అబ్రామ్తో కలిసి ఇలానే ఉత్సవాల్లో పాల్గొన్నాడు.
'అంధాధున్'తో ఘన విజయం అందుకున్న ఆయుష్మాన్ ఖురానా.. 'డ్రీమ్ గర్ల్' ప్రచార కార్యక్రమాల్లో బిజీగా ఉన్నాడు. బరోడాను సందర్శించిన ఈ కథానాయకుడు... జన్మాష్టమి వేడుకల్లో భాగంగా ఉట్టి కొట్టాడు.
'దహీ హండి' సందర్భంగా అభిమానులను అలరించాడు. తన కొత్త సినిమాలోని 'రాధే రాధే' పాటకు నర్తించాడు. కృష్ణుడి వేషంలో ఉన్న తన ఫొటోను సోషల్ మీడియాలో పంచుకున్నాడు.
కృష్ణాష్టమి వేడుకల్లో ఆయుష్మాన్ ఖురానా