మెగాస్టార్‌ చిరంజీవి తమ్ముడు నాగబాబుకు ఎలాంటి విషయాన్నైనా అభిమానులతో పంచుకోవడం అలవాటు. అవి రాజకీయాలైనా, సినిమాలైనా, ఇంకే ఇతర విషయాలైనా సామాజిక మాధ్యమాల ద్వారా తెలియజేస్తుంటారు. తాజాగా ఆయన తన కుమారుడు, కుమార్తె వివాహాల గురించి ప్రస్తావించారు.
'వచ్చే ఏడాది నిహారిక.. ఆ తర్వాత వరుణ్ పెళ్లి' - నిహారిక పెళ్లిపై స్పష్ణతనిచ్చిన నాగబాబు
మెగా కుటుంబం నుంచి వచ్చిన తొలి హీరోయిన్ నిహారిక. వచ్చే ఏడాది ఆమె పెళ్లి పీటలు ఎక్కబోతుందని తండ్రి నాగబాబు తాజాగా వెల్లడించారు. ఆ తర్వాత వరుణ్తేజ్ పెళ్లి చేయాలనే ఆలోచన ఉందని ఆయన తెలిపారు.
'వచ్చే ఏడాది నిహారిక.. ఆ తర్వాత వరుణ్తేజ్'
"అమ్మాయి నిహారికకు పెళ్లి చేసే ఆలోచనలో ఉన్నాం. సంబంధాలు చూస్తున్నాం. వచ్చే ఏడాదిలోనే ఆమెను ఒక ఇంటిదాన్ని చేయాలనే ఆలోచన ఉంది. ఆ తర్వాత మిగిలింది వరుణ్ తేజ్. ఈ పెళ్లైన తర్వాత మంచి అమ్మాయిని చూసి చేసే అవకాశం ఉంది. అయితే అది 2022లో చేయాలనే ఆలోచనా ఉంది. ఏ తండ్రికైనా తన బాధ్యతలను నెరవేర్చడం ముఖ్యం. అందరిలాగే నాక్కూడ అమ్మాయి నిహారికను వైద్యురాలిగా, అబ్బాయిని వరుణ్‌తేజ్‌ని ఐపీఎస్‌ ఆఫీసర్‌గా చూడాలని ఓ కోరిక ఉండేది. కానీ తల్లితండ్రులు సాధించలేని కలలను తన వారసులపై రుద్ద కూడదనేది నా అభిప్రాయం. ప్రతి ఒక్కరికి జీవితంలో ఏం చేస్తే బాగుంటుంది అనేది వారికి తెలిసి ఉంటుంది. అలా ఎవరికి ఇష్టమైన మార్గంలో వారు రాణిస్తే ఆ సంతృప్తే వేరుగా ఉంటుంది. అందుకే మా పిల్లల విషయంలో వారి అభిప్రాయాలను గౌరవిస్తూ సహకారం అందిస్తాను" అంటూ తన మనసులోని మాట చెప్పేశారు నాగబాబు.
ఇదీ చూడండి..'తేరే బినా..'లో సల్మాన్ కుమార్తె ఎవరో తెలుసా?