దర్శక దిగ్గజానికి 'కొబ్బరిమట్ట' టీమ్​ ఘన నివాళి

బర్నింగ్ స్టార్ సంపూర్ణేశ్ బాబు హీరోగా నటించిన 'కొబ్బరి మట్ట'ను దివంగత దర్శకుడు ఇ.వి.వి సత్యనారాయణకు అంకితం చేసింది చిత్ర బృందం.

'హృదయ కాలేయం'తో ప్రేక్షకుల్ని అలరించిన సంపూర్ణేశ్ బాబు త్వరలో 'కొబ్బరి మట్ట'తో రానున్నాడు. నవతరం హాస్యానికి పట్టం కట్టిన దర్శకుడు ఇ.వి.వి సత్యనారాయణకు ఈ చిత్రాన్ని అంకితమిస్తున్నామని నిర్మాతలు ప్రకటించారు.

ట్రైలర్​లో సంపూ చెప్పిన మూడున్నర నిమిషాల డైలాగ్లిమ్కా బుక్​లో స్థానం సంపాదించింది. ఈ నాన్ స్టాప్ ట్రైలర్​కు వీక్షకుల నుంచి విశేష స్పందన వస్తోందని చెప్పింది చిత్రబృందం.

పాపారాయుడు, పెద‌రాయుడు, ఆండ్రాయుడు అనే మూడు పాత్రల్లో కనిపించనున్నాడు సంపూ. ఈ సినిమాకు స్టీవెన్​ శంకర్ కథ అందించగా సాయి రాజేశ్ నిర్మించారు. రూపక్ రొనాల్డ్ సన్ దర్శకుడిగా పరిచయం అవుతున్నాడు. ఆగస్టు 10న ప్రేక్షకుల ముందుకు రానుంది.

ఇది సంగతి: వెంకయ్య కోసం 'బాట్లా హౌస్' స్పెషల్ షో