ఒక్క ముద్దు కోసం 37 టేకులు..!

బాలీవుడ్ దర్శకుడు సుభాష్ ఘాయ్ తాను దర్శకత్వం వహించిన కాంచి చిత్రంలో ఓ ముద్దు సీన్ కోసం హీరోహీరోయిన్ల చేత 37 టేకులు చేయించాడంట.  ఇందులో నటించిన కార్తీక్ ఆర్యన్, మిస్తీ చక్రవర్తి అన్ని టేకుల తర్వాతగానీ దర్శకుడిని మెప్పించలేకపోయారంట.

సినిమా అనే నౌకలో దర్శకుడే కెప్టెన్. సన్నివేశం తాను అనుకున్న విధంగా వచ్చే వరకు నటీనటులచేత ఎన్ని టేకులైనా చేయిస్తుంటాడు. అయితే రొమాంటిక్ సీన్లలో కొంచెం మినాహాయింపునిస్తాడు డైరెక్టర్. కానీ బాలీవుడ్ దర్శకుడు సుభాష్ ఘాయ్ ఈ విషయంలోనూ రాజీ పడలేదంట. ఆయన తెరకెక్కించిన కాంచి చిత్రంలో ఓ ముద్దు సన్నివేశం కోసం హీరోహీరోయిన్ల చేత 37 టేకులు చేయించాడంట!

కాంచి సినిమాలో కార్తీక్ ఆర్యన్, మిస్తీ చక్రవర్తి హీరోహీరోయిన్. వీరిద్దరిపై ముద్దు సన్నివేశం చిత్రీకరించారు దర్శకుడు సుభాష్. ఇద్దరూ కాస్త బిడియపడ్డారంట. ఆ తొందర్లో సన్నివేశం సరిగా రాలేదని మళ్లీ ముద్దుపెట్టుకోమన్నాడు దర్శకుడు. అలా కార్తీక్, మిస్తీలు 37 టేకులు తీసుకున్న తర్వాత గానీ సుభాష్ అనుకున్న ముద్దు రాలేదు. అంతసేపు ఈ ముద్దులాట చూసిన చిత్రబృందం రకరకాల జోకులు వేసుకున్నారంట.

ప్యార్​ కా పంచనామా సిరీస్​, సోనూ కే టీటూ కీ స్వీటీ, లుకా చుప్పీ లాంటి హిందీ చిత్రాలతో గుర్తింపు తెచ్చుకున్నాడు కార్తీక్ ఆర్యన్. ప్రస్తుతం పతీ పత్నీ ఔర్ ఓ, ఇంతియాజ్ అలీ దర్శకత్వం వహిస్తున్న ఓ సినిమాలోనూ నటిస్తున్నాడు కార్తీక్.