కన్నడ నటుడు సుదీప్ కిచ్చ మళ్లీ కెమెరా ముందుకు వచ్చారు. లాక్‌డౌన్‌ కారణంగా నిలిచిపోయిన 'ఫాంటమ్‌' సినిమా చిత్రీకరణను హైదరాబాద్‌లోని అన్నపూర్ణ స్టూడియోలో ఆదివారం తిరిగి ప్రారంభించారు. ఈ సంతోషకరమైన విషయాన్ని ఆయన అభిమానులతో ట్విటర్‌లో పంచుకున్నారు. 'ఈ రోజు నా ముఖానికి రంగులద్దుకోవడం చాలా ఆనందంగా ఉంది.' అంటూ ట్వీటారు. ఈ సినిమాకు సంబంధించిన చిన్న వీడియోను అభిమానులతో పంచుకున్నారు.
'ముఖానికి రంగులద్దుకోవడం ఆనందంగా ఉంది' - కిచ్చా సుదీప్
దాదాపు నాలుగు నెలల విరామం తర్వాత చిత్రపరిశ్రమలో తిరిగి షూటింగ్లు ప్రారంభమయ్యాయి. తాజాగా కన్నడ స్టార్ హీరో సుదీప్.. తను నటిస్తున్న'ఫాంటమ్‌' చిత్రీకరణలో తిరిగి పాల్గొన్న విషయాన్ని తన ట్విట్టర్ ద్వారా తెలియజేశారు. ఈ సందర్భంగా ఆ సినిమాకు సంబంధించిన ఓ చిన్న వీడియోను అభిమానులతో పంచుకున్నారు.
'ముఖానికి రంగులద్దుకోవడం చాలా ఆనందంగా ఉంది'
ఇటీవలే తెలుగులో మెగాస్టార్ చిరంజీవితో సైరాలో నటించిన సుదీప్... ఆ తర్వాత బాలీవుడ్లో సల్మాన్తో 'దబాంగ్ 3'లో కనిపించాడు. తాజాగా రాజమౌళి తెరకెక్కిస్తోన్న ప్రతిష్ఠాత్మక చిత్రం 'ఆర్ఆర్ఆర్'లోనూ ఓ కీలకపాత్రలో నటించే ఛాన్స్ కొట్టేసినట్లు తెలుస్తోంది. ఈ చిత్రంలో సుదీప్ పోలీసు అధికారిగా కనిపించబోతున్నారని సమాచారం. ఇప్పటికే రాజమౌళి తెరకెక్కించిన 'ఈగ', 'బాహుబలి' చిత్రాల్లో కీలక పాత్రలు పోషించారు కిచ్చా సుదీప్.