'ఆ హీరో కోసమే నా పేరు మార్చుకున్నా...'

టాలీవుడ్ నటి కియారా అడ్వాణీ పేరును మార్చారట సల్మాన్. తొలుత తన పేరు అలియా అడ్వాణీ అని ఉండేదని చెబుతోందీ హీరోయిన్.

టాలీవుడ్‌ నటి కియారా అడ్వాణీ పేరు కియారా కాదంటా. ‘తొలుత నా పేరు అలియా అడ్వాణీ. నటుడు సల్మాన్‌ఖాన్‌ పేరు మార్చుకోమన్నాడు’ అని చెబుతోందీ ముద్దుగుమ్మ.

"చిత్రసీమలో ఇద్దరు అలియాలు (అలియా భట్‌ - అలియా అడ్వాణీ) ఉంటే చాలా గందరగోళంగా ఉందని చెప్పాడు సల్మాన్‌ఖాన్‌. అందుకే నా పేరును కియారాగా మార్చుకున్నా. ఇప్పుడు నా తల్లితండ్రులు కూడా వాళ్లు పెట్టిన (అలియా) మానేసి కియారా అని పిలుస్తున్నారు".
-కియారా అడ్వాణీ, నటి

కియారా మొదట 'ఫగ్లీ' అనే హిందీ చిత్రం ద్వారా రంగప్రవేశం చేసింది. ఆ తరువాత ‘ఎం.ఎస్‌.ధోని: ద అన్‌టోల్డ్‌ స్టోరీ’, ‘లస్ట్‌ స్టోరీస్‌’ చిత్రాల్లో పనిచేసింది. తెలుగులో మహేష్‌బాబుతో కలిసి 'భరత్‌ అనే నేను', రామ్‌ చరణ్‌తో 'వినయ విధేయ రామ'లో అలరించింది. ప్రస్తుతం బాలీవుడ్‌లో 'కబీర్‌ సింగ్‌', 'గుడ్‌ న్యూస్‌' చిత్రాల్లో నటిస్తోంది.

ఇవీ చూడండి.. 'అల్లరి' రవి నుంచి 'మహర్షి' రవి వరకు....