బాలీవుడ్ హీరో రణ్‌వీర్‌సింగ్‌ పాన్‌ ఇండియా మూవీలో నటించేందుకు ఆసక్తి కనబరుస్తున్నారట. ఈ చిత్రాన్ని ప్రముఖ దర్శకుడు శంకర్ తెరకెక్కించనున్నారని వార్తలొస్తున్నాయి. ఇందులో కథానాయికగా కియారా అడ్వాణీ నటించనుందని సమాచారం. హిందీలో 'కబీర్‌ సింగ్' విడుదలైన తర్వాత కియారాకి మంచి అవకాశాలే లభిస్తున్నాయి.
మెగా పవర్స్టార్ రామ్చరణ్ కథానాయకుడిగా దర్శకుడు శంకర్ ఓ సినిమా రూపొందించనున్నట్లు ఇటీవలే ప్రకటన వచ్చింది. అయితే అన్నీ సక్రమంగా జరిగితే రామ్చరణ్ చిత్రం కంటే ముందుగానే రణ్వీర్ సినిమా సెట్స్ పైకి వెళ్లే అవకాశం ఉందని బాలీవుడ్లో గుసగుసలు వినిపిస్తున్నాయి.