కోలీవుడ్లో రజనీకాంత్- ఖుష్బూ జోడికి ప్రేక్షకుల్లో మంచి క్రేజ్ ఉంది. వీరి కాంబినేషన్లో వచ్చిన 'అన్నామలై', 'మన్నన్‌ పాండియన్‌', 'నట్టుక్కు ఒరు నల్లవన్‌.. లాంటి చిత్రాలు ఘనవిజయం సాధించాయి. ఇప్పుడు మరోసారి కలిసి పనిచేయనున్నారని సమాచారం. దర్శకుడు శివ.. రజనీతో చేయబోయే సినిమాలో ఖుష్బూను హీరోయిన్గా తీసుకోబోతున్నారట.
త్వరలోనే సెట్స్‌పైకి వెళ్లనున్న ఈ చిత్రం సూపర్స్టార్ 168వ సినిమా. రజనీ పక్కన కనిపించేందుకు యువ కథానాయిక కాకుండా సీనియర్‌ నటిని ఎంపిక చేసే ఆలోచనలో ఉందట చిత్ర బృందం. ఈ మేరకు ఖుష్బూని సంప్రదించారని సమాచారం.