'రాక్షసుడు' చిత్రంతో ఘన విజయాన్ని అందుకున్న రమేశ్ వర్మ దర్శకత్వంలో మాస్ మహారాజా రవితేజ నటిస్తున్న చిత్రం 'ఖిలాడి'. యాక్షన్ కింగ్ అర్జున్ ప్రతినాయకుడిగా నటించిన ఈ సినిమా తొలి ప్రచారచిత్రాన్ని ఉగాది కానుకగా విడుదల చేశారు. సస్పెన్స్ థ్రిల్లర్ కథాంశంతో 'ఖిలాడి' ప్రేక్షకుల ముందుకు రానుంది. రవితేజ ద్విపాత్రాభినయం చేసిన ఈ చిత్రంలో మీనాక్షి చౌదరి, డింపుల్ హయాతి కథానాయికలుగా నటించగా వ్యాఖ్యాత అనసూయ కీలక పాత్ర పోషించింది. దేవీశ్రీప్రసాద్ సంగీతాన్ని సమకూరుస్తున్నారు.
'ఖిలాడి' టీజర్.. 'మహాసముద్రం' నుంచి అదితి లుక్ - అదితిరావు హైదరీ
రవితేజ హీరోగా నటిస్తోన్న 'ఖిలాడి' మూవీ టీజర్ను విడుదల చేసింది చిత్రబృందం. అలాగే 'మహాసముద్రం' నుంచి అదితిరావు లుక్ను రిలీజ్ చేశారు.
రవితేజ, అదితి
శర్వానంద్‌, సిద్దార్థ్‌ ప్రధాన పాత్రల్లో నటిస్తున్న చిత్రం 'మహాసముద్రం'. 'ఆర్‌ఎక్స్‌ 100' ఫేమ్‌ అజయ్‌భూపతి దర్శకత్వం వహిస్తున్న ఈ సినిమాలో అదితిరావు హైదరీ, అనూ ఇమ్మాన్యుయేల్‌ కథానాయికలుగా కనిపించనున్నారు. తాజాగా అదితికి సంబంధించిన లుక్ను విడుదల చేసింది చిత్రబృందం. ఇందులో మహా అనే పాత్ర చేస్తోంది అదితి. ప్రముఖ నిర్మాణ సంస్థ ఏకే ఎంటర్‌టైన్‌మెంట్స్‌ పతాకంపై అనిల్‌ సుంకర ఈ చిత్రాన్ని నిర్మిస్తున్నారు. చైతన్‌ భరద్వాజ్‌ స్వరాలు అందిస్తున్నారు. ప్రపంచ వ్యాప్తంగా ఆగస్టు 19న ప్రేక్షకుల ముందుకు రానుందీ చిత్రం.
Last Updated : Apr 12, 2021, 10:38 AM IST