బాలీవుడ్లో మరో సినిమాకు నెపోటిజమ్ సెగ తాకింది. ఇప్పటికే ఆలియా భట్ 'సడక్ 2' చిత్రాన్ని ఓ రేంజ్లో ట్రోల్ చేసిన నెటిజన్లు.. ఇప్పుడు అనన్య పాండే 'ఖాలీ పీలీ' ట్రైలర్కు చుక్కలు చూపిస్తున్నారు. లైక్ల కంటే డిస్లైక్స్ ఎక్కువగా కొట్టి తమ అసంతృప్తిని వెళ్లగక్కుతున్నారు. కామెంట్లలోనూ ఇదే విషయాన్ని వ్యక్తపరుస్తున్నారు. ఇప్పుడే ఇలా ఉంటే సినిమా విడుదల సమయంలో ఇంకేం చేస్తారో?
ఈసారి అనన్య పాండే.. లైక్ల కంటే డిస్లైక్స్ ఎక్కువ
యువ నటి అనన్య పాండే కొత్త సినిమా ట్రైలర్కు విపరీతంగా డిస్లైక్స్ కొడుతున్నారు నెటిజన్లు. ఇటీవలే ఆలియా 'సడక్ 2' చిత్రంపై ఇలానే విరుచుకుపడ్డారు.
Khalee Peeli trailer
జూన్ 14న సుశాంత్ ఆత్మహత్య చేసుకున్న తర్వాత, బాలీవుడ్లోని పోటిజమ్ మరోసారి తెరపైకి వచ్చింది. ఈ కారణం వల్లే సుశాంత్ తనువు చాలించాడని, అందుకే స్టార్స్ కిడ్స్ సినిమాలు బహిష్కరించాలని నెటిజన్లు సోషల్ మీడియాలో పోస్ట్లు పెడుతున్నారు. ఈ క్రమంలోనే టీజర్స్, ట్రైలర్స్కు డిస్లైక్స్ కొడుతున్నారు.
'ఖాలీ పీలీ'లో ఇషాన్ కట్టర్, అనన్య పాండే హీరోహీరోయిన్లుగా నటించారు. మక్బూల్ ఖాన్ దర్శకుడు. కరోనా వల్ల విడుదల వాయిదా పడగా.. అక్టోబరు 2న ఓటీటీలో విడుదల చేయనున్నారు.