'కేజీఎఫ్' క్లైమాక్స్ పూర్తి.. దర్శకుడి ఆనందం

సినీ ప్రేమికులు ఎంతో ఆసక్తిగా ఎదురుచూస్తున్న చిత్రం 'కేజీఎఫ్​ 2'. ఈ సినిమా చిత్రీకరణ దాదాపుగా పూర్తయ్యింది. ఈ చిత్రంలోని క్లైమాక్స్​ సన్నివేశాల షూటింగ్​ను పూర్తి చేసినట్లు తాజాగా దర్శకుడు ప్రశాంత్ నీల్​ ట్విట్టర్​లో వెల్లడించాడు.

'కేజీఎఫ్​​ 2' క్లైమాక్స్​ చిత్రీకరణ పూర్తయ్యింది. హీరో యశ్​తో పాటు సంజయ్​దత్​ కూడా పాల్గొన్నాడు. తాజాగా క్లైమాక్స్​ను పూర్తి చేసుకున్నట్లు దర్శకుడు ప్రశాంత్​ నీల్ ట్విట్టర్​లో వెల్లడించాడు. ​షూటింగ్​లోని ఓ చిత్రాన్ని షేర్​ చేస్తూ.. ఈ చిత్రీకరణ తనకెంతో ఆనందాన్నిచ్చిందని తెలిపాడు. సంజయ్​ దత్​, యశ్​లపై ప్రశంసలు కురిపించాడు.

బాలీవుడ్​ నటుడు సంజయ్​ దత్​ ఈ చిత్రంలో అధీరా అనే ప్రతినాయక పాత్ర పోషిస్తున్నాడు. ఈ చిత్రాన్ని కన్నడ, తెలుగు, తమిళ, మలయాళ, హిందీ భాషలతో పాటు ప్రపంచవ్యాప్తంగా విడుదల చేయనుంది చిత్రబృందం. 'కేజీఎఫ్​: చాప్టర్​ 1' 2018లో ప్రేక్షకుల ముందుకొచ్చి విశేషాదరణ దక్కించుకుంది.

ఇదీ చూడండి:''ఆచార్య'లో ఆ సీన్ రీషూట్ చేశాం'