బాలీవుడ్ నటి ప్రియాంకా చోప్రా గ్రామీ అవార్డుల సందర్భంగా ధరించిన డ్రెస్ గురించి కత్రినాకైఫ్ స్పందించింది. ఆ వేడుక కోసం ప్రియాంక ధరించిన దుస్తులపై నెటిజన్లు విపరీతంగా ట్రోల్ చేశారు. ఈ నేపథ్యంలో తాజాగా ప్రియాంకకు కత్రినా మద్దతుగా నిలిచింది. గ్రామీ వేడుకలో ప్రియాంక డ్రెస్ బాగుందని తెలిపింది.
తాజాగా కత్రినాను ఓ ఆంగ్ల పత్రిక ఇంటర్వ్యూ చేసింది. ఇందులో భాగంగా ప్రియాంక గ్రామీ లుక్ గురించి వస్తున్న ట్రోల్స్‌పై విలేకరి ప్రశ్నించాడు.
"ప్రియాంక గ్రామీ లుక్ గురించి నెటిజన్లు ఏమనుకుంటున్నారో నాకు నిజంగా తెలియదు. నేను ఆమె ఫొటోలు చూశాను. ఆ డ్రెస్‌లో తను చాలా అందంగా ఉందనిపించింది. నాకు తెలిసినంతవరకు ప్రియాంక గురించి ట్రోల్స్‌ చేస్తున్న వారు ఆమె గ్రామీ లుక్‌కు సంబంధించిన ఫొటోలను సరిగ్గా చూసినట్లు లేరనిపిస్తోంది"