ప్రేమ వ్యవహారం బహిర్గతం.. కలత చెందిన కత్రిన

బాలీవుడ్ నటులు విక్కీ కౌశల్-కత్రినా కైఫ్(Katrina Kaif)​ల ప్రేమ వ్యవహారంపై ప్రస్తుతం ముమ్మర చర్చ నడుస్తోంది. అందుకు కారణం ఇటీవల ఓ షాట్​ షోలో యువ నటుడు హర్ధవర్ధన్ కపూర్ వీరి డేటింగ్ గురించి బహిర్గతం చేయడమే. అయితే కపూర్ వ్యాఖ్యలపై కత్రిన చాలా బాధపడిందట.

యువ నటుడు విక్కీ కౌశల్‌.. ప్రస్తుతం హిందీ చిత్రసీమలో విలక్షణ కథలతో దూసుకెళ్తున్నాడు. ఇతడు, బాలీవుడ్​ బార్బీ కత్రినా కైఫ్‌(Katrina Kaif) ప్రేమలో ఉన్నట్లు కొంత కాలంగా జోరుగా ప్రచారం సాగుతోంది. వీరిద్దరూ డేటింగ్​లో ఉన్నారంటూ సామాజిక మాధ్యమాల్లో పోస్టులతో సందడి చేస్తున్నారు నెటిజన్లు. తాజాగా వీరిద్దరి ప్రేమ వ్యవహారం గురించి ఓ చాట్​ షోలో మాట్లాడాడు యువ నటుడు హర్ధవర్ధన్ కపూర్. అయితే ఇతడు వారి ప్రేమను ఇలా బహిర్గతం చేయడం పట్ల కత్రిన చాలా బాధపడిందట. ఈ విషయాన్ని ఆమె స్వయంగా చెప్పకపోయినా.. నటి స్నేహితుడు ఒకరు వెల్లడించారు.

"కత్రిన-విక్కీల ప్రేమ వ్యవహారం గురించి మాట్లాడాల్సిన అవసరం హర్ధవర్ధన్​కు లేదు. కత్రినకు అతడు అంతగా తెలియదు. ఒకవేళ తెలిసినా.. అతడు వ్యక్తిగత విషయాలు మాట్లాడే ముందు కత్రిన అనుమతి తీసుకోవాలి కదా. ఈ రిలేషన్​షిప్ గురించి కత్రిన చాలా సీరియన్​గా ఉందని చెప్పాడు. ఇప్పటికే ఆమె ప్రేమ(రణ్​బీర్ కపూర్​తో) విషయంలో దెబ్బతింది. అందుకే ఈ రిలేషన్​ను అందరికీ దూరంగా ఉంచాలని అనుకుంటోంది." -కత్రిన స్నేహితుడు

ఇటీవల ఓ చాట్​ షోలో పాల్గొన్న హర్షవర్ధన్​.. 'సినీ ఇండస్ట్రీలో నిజమైన రిలేషన్​షిప్​ ఎవరిది?' అని అడిగిన ప్రశ్నకు 'విక్కీ, కత్రిన కలిసున్నారనేది నిజం' అని బదులిచ్చాడు. తక్షణమే 'ఇది చెప్పినందుకు నేనేమైనా ఇబ్బందుల్లో పడతానా?' అని అన్నాడు. దీంతో విక్కీ, కత్రినా డేటింగ్​లో ఉన్నట్లు స్పష్టమైంది!.