'జూనియర్​ 'కార్తీ' వచ్చేశాడు.. అందరూ ఆశీర్వదించండి'

తమిళనటుడు కార్తీ శుభవార్త చెప్పాడు. తమకు మగబిడ్డ పుట్టాడని తెలుపుతూ ఆనందాన్ని పంచుకున్నాడు. అందరూ తమ బిడ్డని దీవించాలని కోరాడు.

తమిళనటుడు కార్తీ మరోసారి తండ్రి అయ్యాడు. మంగళవారం తమకు మగబిడ్డ జన్మించినట్టు ట్విట్టర్ వేదికగా తెలిపాడు. ఈ అనుభూతిని తమకు పంచిన వైద్యులకు, నర్సులకు కృతజ్ఞతలు చెప్పి సరిపెట్టలేమన్నాడు.

"మాకు పండంటి మగబిడ్డ పుట్టాడు. మాకు జీవితాన్ని మార్చే అనుభూతినిచ్చి సహకరించిన వైద్యులకు, నర్సులకు కృతజ్ఞతలు చెప్తే సరిపోదు. మీ అందరి ఆశీస్సులు మా బిడ్డపై ఉండాలి. ఆ దేవుడికి కృతజ్ఞతలు."

-- కార్తీ, నటుడు.

కార్తీ, రంజనీలకు 2011లో వివాహమైంది. 2013లో ఈ దంపతులకు ఆడబిడ్డ జన్మించింది.

ఇదీ చూడండి:అమెరికా, జపాన్​లలో 'ప్రభాస్'​ చిత్రాలు మళ్లీ విడుదల!