కార్తికేయ, తాన్యా రవిచంద్రన్‌(karthikeya raja vikramarka) జంటగా నటించిన చిత్రం 'రాజా విక్రమార్క'. శ్రీ సరిపల్లి తెరకెక్కించారు. 88 రామారెడ్డి నిర్మించారు. సుధాకర్‌ కోమాకుల, సాయికుమార్‌ కీలక పాత్రలు పోషించారు(raja vikramarka movie release date). ఈ సినిమా ఇటీవలే ప్రేక్షకుల ముందుకొచ్చింది. ఈ నేపథ్యంలోనే శనివారం హైదరాబాద్‌లో సక్సెస్‌ మీట్‌ నిర్వహించారు.
ఈ సందర్భంగా హీరో కార్తికేయ మాట్లాడుతూ(karthikeya latest news).. "నమ్మినది జరిగితే.. అది తెలియకుండానే మనకు ఓ కాన్ఫిడెన్స్‌ను అందిస్తుంది. ఆ నమ్మకం, సంతృప్తి నాకు ఈ చిత్రంతో దొరికాయి. ఏ సినిమా చేసినా మనసు పెట్టి చేస్తా. ఈ చిత్రాన్ని మరింత ఎక్కువ ఇష్టపడి చేశా. ఈ ప్రయాణంలో మాకెంతో మద్దతుగా నిలిచిన నిర్మాతలకు మంచి లాభాలు రావాలని, వాళ్లు సంతోషంగా ఉండాలని కోరుకుంటున్నా" అన్నారు.