అప్పుడు 'సుల్తాన్'.. ఇప్పుడు 'సర్దార్'గా కార్తి

కార్తి-మిత్రన్ కాంబినేషన్​లో రూపొందుతున్న సినిమాకు 'సర్దార్' టైటిల్ నిర్ణయించారు. అలానే మోషన్​ పోస్టర్​ను కూడా విడుదల చేశారు.

కోలీవుడ్​ హీరో కార్తి.. మరో కొత్త లుక్​లో అలరించేందుకు సిద్ధమవుతున్నారు. 'సర్దార్' టైటిల్​తో తెరకెక్కుతున్న ఈ సినిమా మోషన్​ పోస్టర్​ను ఆదివారం విడుదల చేశారు. ఇందులో రఫ్​గా కనిపిస్తూ, చిత్రంపై అంచనాల్ని పెంచుతున్నారు కార్తి.

'అభిమన్యుడు' లాంటి హిట్​తో ఆకట్టుకున్న పీఎస్ మిత్రన్.. 'సర్దార్'కు దర్శకత్వం వహిస్తున్నారు. మరి ఇందులో ఎవరెవరు నటిస్తున్నారు? ఇతర సంగతులు త్వరలో వెల్లడించే అవకాశముంది. ఇటీవల 'సుల్తాన్' అంటూ వచ్చిన కార్తి.. ప్రేక్షకులను అలరించారు.