డ్రీమ్ వారియర్స్ పతాకంపై కార్తి కథానాయకుడిగా నటిస్తోన్న 'ఖైదీ' చిత్రం షూటింగ్ఇటీవల ప్రారంభమైంది. ఈ సినిమా గురించి తాజాగా కొన్ని ఆసక్తికర విషయాలు పంచుకున్నారు దర్శకుడు లోకేశ్. మొత్తం 62 రాత్రుల పాటు... చిత్రీకరణ జరగనున్నట్లు వెల్లడించారు.
జైలు నుంచి పరారీకి.. 62 రాత్రులు! - karthi new movie kaithi
కోలీవుడ్ నటుడు కార్తి నటిస్తున్న చిత్రం 'ఖైదీ'. యువ దర్శకుడు లోకేశ్ కనగరాజ్ తెరకెక్కిస్తున్నాడు. యాక్షన్, థ్రిల్లర్గా రూపొందుతోన్న ఈ సినిమా 62 రోజుల పాటు రాత్రులు మాత్రమే చిత్రీకరణ జరుపుకోనున్నట్లు వెల్లడించింది చిత్రబృందం.
జైలు నుంచి పరారీకి 62 రాత్రులు
కథ ప్రకారం హీరో ఓ ఖైదీ. రాత్రిపూట జైలు నుంచి తన బృందంతో బయట పడేందుకు ఓ పన్నాగం వేస్తాడు. మరి చివరికి పోలీసులు కళ్లుగప్పి తప్పించుకోగలిగాడా లేదా అనేది కథాంశం. సినిమాలో ఒక్కటి కూడా పగటి షాట్‌ కనిపించకుండా కేవలం 62 రోజుల్లోనే చిత్రీకరణ పూర్తిచేయనున్నట్లు దర్శకుడు లోకేశ్ చెప్పారు.
ఇందులో కార్తికి తోటి ఖైదీలుగా వాసన్‌ కన్నా, రవి తదితరులు కనిపించబోతున్నారు. ఈ చిత్రంలో కథానాయిక ఎవరూ ఉండరు. త్వరలోనే అధికారికంగా మరిన్ని వివరాలు ప్రకటించనున్నారు.