ప్రముఖ హిందీ నటుడు సైఫ్‌ అలీఖాన్-అమృతాసింగ్‌ దంపతుల కూతురు సారా అలీఖాన్.. మరోసారి చర్చనీయాంశమైంది. హీరో కార్తీక్ ఆర్యన్తో ఆమె కలిసి ఉన్న ఫొటోలు అంతర్జాలంలో వైరల్ అవడమే కారణం.
ముంబయిలోని ఓ డ్యాన్స్ ఇన్స్టిట్యూట్ బయట వీరిద్దరూ సందడి చేశారు. వర్షం పడుతుంటేసారాకు గొడుగు పట్టుకొని కారు వరకు జాగ్రత్తగా తీసుకెళ్లాడు ఆర్యన్. తర్వాత డోర్ తెరిచి అందులోకి ఎక్కించాడు. ప్రస్తుతం ఈ వీడియో వైరల్ అవుతోంది. " ఆర్యన్... వాట్ ఏ కేరింగ్" అంటూ అభిమానులు కామెంట్లు పెడుతున్నారు.
ఇటీవలే సారా పుట్టినరోజును బ్యాంకాంక్లో సెలబ్రేట్ చేశాడు ఆర్యన్. 'హ్యాపీ బర్త్డే ప్రిన్సెస్' పేరుతో కేక్ కోయించాడు.తొలిసారి వీరిద్దరూ 'కాఫీ విత్ కరణ్' షో లో కలిశారు. అప్పటినుంచే ప్రేమాయణం మొదలైనట్లు పుకార్లు వచ్చాయి.
ప్రస్తుతం ఈ జోడీ.. 'లవ్ ఆజ్ కల్ 2'లో నటిస్తోంది. ఇటీవలే చిత్రీకరణ పూర్తిచేసుకున్న ఈ సినిమా.. నిర్మాణానంతర కార్యక్రమాల్లో బిజీగా ఉంది. 2009లో వచ్చిన రొమాంటిక్ కామెడీ 'లవ్ ఆజ్ కల్'కు సీక్వెల్ ఇది. 'పతీ పత్నీ ఔర్ వో' అనే సినిమాలో నటిస్తున్నాడుకార్తీక్. భూమి ఫెడ్నేకర్, అనన్య పాండే హీరోయిన్లు.
ఇదీ చదవండి...