ఆమిర్​ 'లాల్​ సింగ్​ చద్దా'లో కరీనా కపూర్?​

త్రీ ఈడియట్స్​, తలాష్​ వంటి సినిమాల్లో జంటగా నటించిన ఆమిర్​- కరీనా జోడీ మరోసారి వెండితెరపై మెరిసే అవకాశముంది. ఆమిర్​ తాజా చిత్రం లాల్​ సింగ్​ చద్దాలో హీరోయిన్ పాత్ర కోసం కరీనాను సంప్రదించినట్టు బాలీవుడ్​లో వార్తలు వినపడుతున్నాయి.

ఆమిర్​ ఖాన్​-కరీనా కపూర్​ మరోసారి వెండితెరపై సందడి చేసే అవకాశముంది. ఆమిర్​ తాజా చిత్రం 'లాల్​ సింగ్​ చద్దా'లో కథానాయిక పాత్ర కోసం బెబోను చిత్ర బృందం సంప్రదించినట్టు తెలుస్తోంది.

తీరిక లేని షెడ్యూల్​తో కరీనా బిజీ బిజీగా గడుపుతోంది. ప్రస్తుతం ఇర్ఫాన్​ ఖాన్​తో 'అంగ్రేజీ మీడియం' సినిమాలో నటిస్తోంది. వచ్చే నెలలో ఓ డాన్స్​ షో చిత్రీకరణలో పాల్గొంటుంది. ఆ సమయంలో 'లాల్​ సింగ్​ చద్దా'లో నటించడంపై బెబో నిర్ణయం తీసుకునే అవకాశముంది.

3 ఈడియట్స్​, తలాష్​ వంటి సినిమాల్లో ఆమిర్​- కరీనా జంటగా నటించి ప్రేక్షకులను అలరించారు.

ఆమిర్​ ఖాన్​- అమితాబ్​ కలిసి నటించిన 'థగ్స్​ ఆఫ్​ హిందుస్థాన్​' చిత్రం బాక్సాఫీస్​ వద్ద బోల్తా కొట్టింది. ఆ తర్వాత కొంత విరామం తీసుకున్న ఆమిర్​... హాలీవుడ్​ ప్రముఖ కథానాయకుడు టామ్​ హాంక్స్​ నటించిన 'ఫారెస్ట్​ గంప్​' చిత్రం ఆధారంగా లాల్​ సింగ్​ చద్దాను రూపొందిస్తున్నట్టు ప్రకటించాడు.

ఇదీ చూడండి:-'ధావన్​ బ్యాటింగ్​కు​ ఓకే... కానీ ఫీల్డింగ్​ కష్టమే'