Akhil: 'ఏజెంట్​'కు తోడుగా కన్నడ యాక్టర్​!

అక్కినేని అఖిల్​-దర్శకుడు సురేందర్​రెడ్డి కాంబినేషన్​లో రూపొందుతోన్న చిత్రం 'ఏజెంట్​'(Akhil Agent). ఇందులో ఓ కీలకపాత్ర కోసం కన్నడ నటుడు ఉపేంద్ర(Upendra)ను సంప్రదించినట్లు సమాచారం. దీనిపై త్వరలోనే అధికార ప్రకటన రానుంది.

'మోస్ట్‌ ఎలిజిబుల్‌ బ్యాచ్‌లర్‌' చిత్రం తర్వాత అఖిల్‌ అక్కినేని నటించనున్న కొత్త చిత్రం 'ఏజెంట్​'(Akhil Agent). సురేందర్​ రెడ్డి(Surender Reddy) దర్శకత్వం వహిస్తున్నారు. ఏకె ఎంటర్‌టైన్‌మెంట్స్‌ పతాకంపై అనిల్‌ సుంకర నిర్మిస్తున్నారు. సాక్షి వైద్య(Sakshi Vaidya) కథానాయిక. ఇందులో ఓ కీలకపాత్ర కోసం మరో ప్రముఖ నటుడ్ని రంగంలోకి దించాల్సి ఉంది. ఇప్పుడా పాత్ర కోసం చిత్రబృందం వేట ముమ్మరం చేసింది.

నిజానికి ఈ పాత్ర కోసం తొలుత మలయాళ స్టార్​ మోహన్​లాల్​(Mohan Lal)ను సంప్రదించినట్లు ప్రచారం జరిగింది. ఇప్పుడా పాత్ర కోసం కన్నడ నటుడు ఉపేంద్ర(Upendra) వద్దకు వెళ్లినట్లు సమాచారం. ఇప్పటికే చిత్రబృందం ఆయనతో కథ విషయమై చర్చ జరిగినట్లు టాక్​. దీనిపై త్వరలోనే అధికార ప్రకటన రానుంది.

ఓ విభిన్నమైన యాక్షన్‌ థ్రిల్లర్‌ కథాంశంతో రూపొందనున్న చిత్రమిది. ఈ సినిమా కోసమే అఖిల్‌ తన లుక్‌నూ మార్చుకున్నారు. దీంట్లో ఆయన కండలు తిరిగిన దేహంతో మునుపెన్నడూ చూడని విధంగా కొత్తగా కనిపించనున్నారు. జులై నుంచి షూటింగ్​ ప్రారంభించడానికి సన్నాహాలు జరుగుతున్నాయి.

ఇదీ చూడండి:సురేందర్​రెడ్డి చిత్రంలో 'ఏజెంట్​'గా అఖిల్​