కన్నడ నటుడు కిచ్చా సుదీప్ శాండిల్వుడ్లోనే కాకుండా పలు చిత్రసీమల్లో రాణిస్తున్నాడు. ఇటీవలే తెలుగులో మెగాస్టార్ చిరంజీవితో సైరాలో నటించిన ఇతడు... ఆ తర్వాత బాలీవుడ్లో సల్మాన్తో 'దబాంగ్ 3'లో కనిపించాడు. తాజాగా రాజమౌళి తెరకెక్కిస్తోన్న ప్రతిష్ఠాత్మక చిత్రం 'ఆర్ఆర్ఆర్'లోనూ ఓ కీలకపాత్రలో నటించే ఛాన్స్ కొట్టేసినట్లు తెలుస్తోంది.
దర్శకధీరుడు ఎస్.ఎస్. రాజమౌళి తెరకెక్కిస్తున్న ప్రతిష్ఠాత్మక చిత్రం 'ఆర్ఆర్ఆర్'. మల్టీసారర్గా తెరకెక్కుతోన్నఈ సినిమాలో రామ్‌ చరణ్‌ అల్లూరి సీతారామరాజుగా, ఎన్టీఆర్‌ కొమరం భీంగా నటిస్తున్నారు. వీరిద్దరి కలయికతో ఈ సినిమాపై ఆసక్తితోపాటు అంచనాలూ భారీగానే ఉన్నాయి. అందుకు తగ్గట్టుగానే ఇటీవల హాలీవుడ్ తారలను పరిచయం చేశాడు జక్కన్న. తాజాగా ఈ సినిమాకు సంబంధించి మరో వార్త బయటికి వచ్చింది. ఇందులో కన్నడ స్టార్ సుదీప్ నటిస్తున్నాడట. ఆయన పోషించే పాత్ర గురించి కూడా సినీ వర్గాల్లో చర్చ సాగుతోంది.