ఫోర్బ్స్ ఇండియా.. ఇటీవలే తొలి 100 స్థానాల్లో ఉన్న ప్రముఖుల జాబితా విడుదల చేసింది. టీమిండియా కెప్టెన్ విరాట్ కోహ్లీ టాప్ లేపాడు. హీరో సల్మాన్.. రెండో స్థానానికి పడిపోయాడు. అయితే ఇందులో తన ఆదాయాన్ని తప్పుగా చూపారని బాలీవుడ్ నటి కంగనా రనౌత్(70వ స్థానం-రూ.17.5 కోట్లు) పేర్కొంది. ఫోర్బ్స్ ఇండియాకు లీగల్ నోటీసులు పంపింది. ఈ విషయాన్ని ఆమె సోదరి రంగోలీ ట్వీట్ చేసింది.
ఫోర్బ్స్ ఇండియాకు కంగనా లీగల్ నోటీసులు
ఫోర్బ్స్ జాబితాలో తన ఆదాయాన్ని తప్పుగా చూపినందుకు హీరోయిన్ కంగనా రనౌత్.. సదరు సంస్థకు లీగల్ నోటీసులు పంపింది. ఈ విషయాన్ని ఆమె సోదరి రంగోలీ ట్విట్టర్లో వెల్లడించింది.
హీరోయిన్ కంగనా రనౌత్
అంతకు ముందు ఫోర్బ్స్ జాబితా ప్రకటించినపుడే, విమర్శలు చేసింది రంగోలీ. ఇది ఓ మోసపూరిత మ్యాగజైన్ అని ట్విట్టర్లో రాసుకొచ్చింది. వారు ఏ విధానంలో ఈ లిస్ట్ విడుదల చేశారో చెప్పాలని సవాలు విసిరింది. ఒకవేళ ఫోర్బ్స్ చెప్పిందే నిజమైతే, తాను బహిరంగంగా క్షమాపణ చెబుతానంది. కంగనా.. ఫోర్బ్స్లో ప్రకటించిన ఆదాయం కంటే ఎక్కువే ట్యాక్స్ కడుతుందని రంగోలీ చెప్పింది.
ఇది చదవండి: వాళ్లను చూస్తుంటే పెళ్లి చేసుకోవాలని అనిపిస్తోంది: కంగనా రనౌత్
Last Updated : Dec 30, 2019, 2:59 PM IST