కరోనా కారణంగా దాదాపు మూడు నెలలపాటు నిలిచిపోయిన చిత్రీకరణలు.. ఇటీవలె ప్రభుత్వాలు ఇచ్చిన సడలింపుల్లో భాగంగా పునః ప్రారంభమయ్యాయి. ఈ నేపథ్యంలో తన తదుపరి చిత్రం 'ధాకడ్' కోసం సన్నద్ధమవుతోంది బాలీవుడ్ స్టార్ హీరోయిన్ కంగనా రనౌత్.
ఈ చిత్ర దర్శకుడు రజ్నీష్ ఘాయ్, కథా రచయిత రితేష్ షా, నిర్మాత సొహెయిల్ మక్లాయ్, కంగనా సంయుక్తంగా కలిసి 'వర్చువల్ స్క్రిప్ట్ రీడింగ్' సెషన్లో పాల్గొన్నారు. ఇందులో సినిమా సంబంధిత విషయాలు చర్చించుకున్నారు. దీనికి సంబంధిత స్క్రీన్షాట్ ఫొటోలను ట్విట్టర్లో పోస్ట్ చేసిందీ బాలీవుడ్ క్వీన్.