ట్విటర్‌లో శాశ్వత నిషేధానికి గురైన బాలీవుడ్ నటి కంగనా రనౌత్కు మరో సామాజికమాధ్యమ సంస్థ ఇన్స్టాగ్రామ్ షాకిచ్చింది. తనకు కరోనా సోకిందని నటి చేసిన పోస్ట్ను ఇన్స్టా తొలగించింది. తాను వైరస్ బారిన పడినట్లు గతవారం సోషల్‌మీడియా వేదికగా వెల్లడించిన కంగనా.. కరోనానూ చిన్నపాటి ఫ్లూతో పోల్చింది.
దీంతో ఆమె తప్పుడు సమాచారాన్ని వ్యాప్తి చేస్తున్నారంటూ పెద్ద ఎత్తున విమర్శలు వచ్చాయి. ఈ నేపథ్యంలో ఆమె పోస్ట్ను ఇన్స్టా డిలీట్ చేసింది.ఈ విషయాన్ని కంగన తన ఇన్స్టాగ్రామ్ స్టోరీలో పోస్ట్ చేస్తూ.. విమర్శలు గుప్పించింది.
"కొవిడ్‌ను నాశనం చేద్దామని నేను చేసిన పోస్ట్ను ఇన్స్టాగ్రామ్ తొలగించింది. ఎందుకంటే ఈ పోస్ట్ వల్ల కొందరు బాధపడి ఉంటారు. ఉగ్రవాదులు, కమ్యూనిస్టు సానుభూతిపరులు ట్విటర్‌లోనే ఉంటారనుకున్నా."