జయ పాత్ర కోసం 20 కిలోల బరువు పెరిగిన కంగనా

జయలలిత బయోపిక్ 'తలైవి'​ కోసం దాదాపు 20 కిలోల బరువు పెరిగింది నటి కంగనా రనౌత్. ఈ విషయాన్ని ఆమె సోదరి రంగోలి వెల్లడించింది.

పురుచ్చ తలైవి, తమిళనాడు మాజీ ముఖ్యమంత్రి జయలలిత జీవితం ఆధారంగా తీస్తున్న చిత్రం 'తలైవి'. బాలీవుడ్ క్వీన్ కంగనా రనౌత్ టైటిల్​ రోల్​లో కనిపించనుంది. గతంలోనే ఫస్ట్​లుక్​ను విడుదల చేశారు. అయితే కంగనా సోదరి రంగోలి తాజాగా పోస్ట్​ చేసిన ఓ ఫొటో ఆకట్టుకుంటోంది. జయ పాత్ర కోసం కంగనా, దాదాపు 20 కిలోలకు పైగా బరువు పెరిగినట్లు రాసుకొచ్చింది.

జయలలిత పాత చిత్రం

'తేజస్', 'ధాకడ్'​ సినిమాల షూటింగ్​లకు త్వరలో కంగనా హాజరు కానుందని చెప్పింది రంగోలి. 'తలైవి' సినిమాకు ఏఎల్ విజయ్ దర్శకత్వం వహిస్తున్నాడు. 'బాహుబలి' ఫేమ్ విజయేంద్ర ప్రసాద్ కథనందించారు. ప్రస్తుతం చివరి షెడ్యూల్​ జరుపుకుంటున్న ఈ చిత్రం.. జూన్ 26న ప్రేక్షకుల ముందుకు రానుంది.

తలైవి బయోపిక్​లో కంగనా.. ఆ పక్కన జయలలిత పాత చిత్రం