100 కోట్ల క్లబ్​లో లారెన్స్​ 'కాంచన-3'

ప్రముఖ కొరియోగ్రాఫర్​ రాఘవ లారెన్స్​ తాజాగా నటించిన చిత్రం 'కాంచన 3'. ఈ సినిమా విడుదలైన వారం రోజుల్లోనే 100 కోట్లు వసూలు చేసింది.

'ముని' చిత్రం నుంచి హారర్​ కథాంశాలతో అలరించడం ప్రారంభించాడు లారెన్స్​. తాజాగా ఆయన నటిస్తూ స్వీయ దర్శకత్వంలో తెరకెక్కించిన 'కాంచన 3' బాక్సాఫీసు వద్ద భారీ వసూళ్లు రాబడుతోంది. తెలుగు, త‌మిళ భాష‌ల్లో ఈ నెల 19న విడుద‌లై.. వారం రోజుల్లోనే 100 కోట్లకుపైగా కలెక్షన్లు సాధించింది. ప్ర‌పంచవ్యాప్తంగా 2,600 థియేటర్లలో రిలీజైంది. లారెన్స్ సరసన వేదిక, ఓవియా, నిక్కీ తంబోలి కథానాయికలుగా నటించారు.