Kamal hassan Vikram release date: ఎంతో ఆసక్తిగా ఎదురుచూస్తున్న అభిమానులకు 'విక్రమ్' చిత్రబృందం శుభవార్త తెలిపింది. యూనివర్సల్ స్టార్ కమల్హాసన్ నటించిన ఈ మూవీని 2022 జూన్ 3 ప్రపంచవ్యాప్తంగా థియేటర్లలో రిలీజ్ చేయనున్నట్లు తెలిపింది. దీంతో పాటే 'మేకింగ్ గ్లింప్స్' పేరుతో ఓ స్పెషల్ వీడియోను విడుదల చేసింది. ఇందులో భారీ యాక్షన్ సీన్స్ను తెరకెక్కిస్తున్నట్లు చూపించారు. కమల్, విజయ్, ఫహాద్ ఈ వీడియోలో కనిపించారు.
రాజ్‌ కమల్ ఫిల్మ్స్‌ ఇంటర్నేషనల్‌ పతాకంపై మహేంద్రన్‌తో కలిసి కమల్ ఈ సినిమాను నిర్మించారు. లోకేష్‌ కనగరాజ్‌ దర్శకుడు. విలక్షణ నటుడు విజయ్ సేతుపతి, ఫహాద్ ఫాజిల్‌, కాళిదాస్‌ జయరాం ముఖ్య పాత్రలు పోషించారు.