లోకనాయకుడు కమల్హాసన్ నుంచి సినీప్రియులకు ఓ అపురూప కానుక అందబోతుంది. నవంబరు 7న ఆయన పుట్టినరోజు సందర్భంగా 'కమల్ 232'వ చిత్రం నుంచి ఓ చిన్న టీజర్ విడుదల చేయనున్నట్లు తెలుస్తోంది. విలక్షణ దర్శకుడు లోకేశ్ కనగరాజ్ తెరకెక్కించనున్న చిత్రమిది. కమల్ స్వీయ నిర్మాణంలో రూపొందనుంది. త్వరలోనే రెగ్యులర్ షూటింగ్ ప్రారంభం కాబోతోంది.
కమల్హాసన్ పుట్టినరోజున సినీప్రియులకు కానుక
విలక్షణ నటుడు కమల్హాసన్ – దర్శకుడు లోకేశ్ కనగరాజ్ కాంబినేషన్లో ఓ చిత్రం తెరకెక్కనుంది. కమల్ పుట్టినరోజును పురస్కరించుకొని ఆ సినిమాకు సంబంధించిన ఓ టీజర్ను నవంబరు 7న చిత్రబృందం విడుదల చేయనుందని సమాచారం.
లోకనాయకుడు బర్త్డేకు కొత్త సినిమా టీజర్
ఈ నేపథ్యంలో కమల్పై ఇటీవలే టెస్ట్షూట్ చేసినట్లు సమాచారం. ఇప్పుడు దీనికి సంబంధించిన విజువల్స్తోనే చిన్న టీజర్ను విడుదల చేయనున్నట్లు తెలుస్తోంది. ఈ చిత్రంతో కమల్ను మునుపెన్నడూ చూడని విధంగా చాలా కొత్తగా చూపించే ప్రయత్నం చేస్తున్నారట దర్శకుడు లోకేశ్.
ఇప్పటికే స్క్రిప్ట్, పూర్వ నిర్మాణ పనులు పూర్తయ్యాయి. నవంబరు నెలాఖరు లేదా డిసెంబరు నుంచి సినిమా సెట్స్పైకి తీసుకెళ్లనున్నారని, రెండు నెలల్లోనే చిత్రీకరణ పూర్తి చేయనున్నారని తెలుస్తోంది. ప్రస్తుతం కమల్ చేస్తున్న 'భారతీయుడు 2'షూటింగ్ త్వరలో పునఃప్రారంభం కానుంది. ఈ చిత్రానికి శంకర్ దర్శకత్వం వహిస్తున్నారు.