'సేక్రెడ్​ గేమ్స్​ 2'లో నటించనున్న కల్కి కొచ్లిన్​

నెట్​ఫ్లిక్స్​ విడుదల చేస్తోన్న క్రైమ్​ థ్రిల్లర్​ వెబ్​ సిరీస్​ 'సేక్రెడ్​ గేమ్స్​ 2'లో మరో ఇద్దరు నటీనటులు జాయిన్​ అయ్యారు. ఇకనుంచి కల్కి కొచ్లిన్​, రణ్​వీర్​ షోర్​ ఈ సిరీస్​లో కనువిందు చేయనున్నారు.

'సేక్రెడ్​ గేమ్స్ ​2'లో తాజాగా చోటు దక్కించుకున్న కల్కి కొచ్లిన్​, రణ్​వీర్​ షోర్ తొలిరూపు విడుదల చేసింది నెట్​ఫ్లిక్స్​. దీనికి అనురాగ్​ కశ్యప్​, నీరజ్​ గాయ్​వాన్​ దర్శకులు.
తొలి సీజన్​ నుంచి నవాజుద్దీన్​ సిద్ధిఖీ, సైఫ్​ అలీఖాన్​ ఇందులో నటిస్తున్నారు. కొత్తగా వచ్చిన కల్కి 'బట్య'అనే పాత్రలో కనిపించనుంది. అయితే గతంలో దర్శకుడు అనురాగ్​ కశ్యప్​, కల్కి వివాహం చేసుకున్నారు. కాని రెండేళ్లలో ఇద్దరు దూరమయ్యారు. మళ్లీ అతడి దర్శకత్వంలో ఈ సిరీస్​ చేయనుంది కల్కి.

' వ్యక్తిగంతా నాకు ఈ సిరీస్​ అంటే చాలా ఇష్టం. ఇందులో భాగస్వామ్యం కావడం చాలా ఆనందంగా ఉంది. సీజన్​2 మరింత బాగుంటుందని ప్రామిస్​ చేస్తున్నా. ప్రేక్షకులను ఈ సిరీస్​తో అలరించేందుకు చాలా ఆసక్తిగా ఎదురుచూస్తున్నాను '.
-- కల్కి కొచ్లిన్​, బాలీవుడ్​ కథానాయిక

మాజీ భర్త, దర్శకుడు అనురాగ్​తో కల్కి

మంచి ప్రేక్షకాదరణ పొందిన ఈ సిరీస్​లో నటిస్తుండటం చాలా అదృష్టమని వెల్లడించాడు రణ్​వీర్​. ఇందులో ఆయన షాహిద్​ఖాన్​గా కనిపించనున్నాడు. పలు అవార్డులు గెలుచుకున్న విక్రమ్​ చంద్ర నవల ఆధారంగా 'సేక్రెడ్​ గేమ్స్​ సీజన్​2' తెరకెక్కిస్తున్నారు. ఇది వచ్చే సంవత్సరం ప్రేక్షకుల ముందుకు రానుంది.