'రాజమౌళిని నమ్మి రూ.1000 కోట్లయినా పెట్టొచ్చు'

Rajamouli RRR: 'బాహుబలి' తర్వాత డైరెక్టర్ రాజమౌళి క్రేజ్​ ఏ రేంజ్​లో పెరిగిందో ప్రత్యేకంగా చెప్పాల్సిన పనిలేదు. అప్పటివరకు తెలుగుకు మాత్రమే పరిచయమైన ఆయన.. ఆ తర్వాత ప్రపంచవ్యాప్తంగా స్టార్ హోదా తెచ్చుకున్నారు. ఇప్పుడు ఆయన సినిమా తీస్తానంటే రూ.1000 కోట్లు అయినా పెట్టొచ్చని ఓ నిర్మాత షాకింగ్ కామెంట్ చేశారు.

RRR pre release event chennai: 'ఆర్ఆర్ఆర్' పబ్లిసిటీ రాకెట్​ స్పీడ్​లో దూసుకుపోతుంది. ఉత్తరాది, దక్షిణాది అనే తేడా లేకుండా చిత్రబృందం ప్రచారంలో రయ్ రయ్ అంటూ పరుగెడుతుంది. ఈ క్రమంలోనే చెన్నైలో సోమవారం.. 'ఆర్ఆర్ఆర్' ప్రీ రిలీజ్ ఈవెంట్ నిర్వహించారు. ఇందులో భాగంగా 'అసురన్' నిర్మాత కలైపులి ఎస్.థాను ఆసక్తికర వ్యాఖ్యలు చేశారు.

"రాజమౌళిని నమ్మి రూ.1000 కోట్లయినా బడ్జెట్​ పెట్టొచ్చు. ఎందుకంటే ఆయన దానిని రూ.2000 కోట్లు చేసి పెడతాడు. 'ఆర్ఆర్ఆర్' తమిళంలో కూడా పెద్ద హిట్​ అవుతుంది" అని ఎస్.థాను చెప్పారు.

పీరియాడికల్ ఫిల్మ్​ 'ఆర్ఆర్ఆర్'.. జనవరి 7న ప్రపంచవ్యాప్తంగా థియేటర్లలో విడుదల కానుంది. ఇందులో అల్లూరి సీతారామరాజుగా, ఎన్టీఆర్ కొమరం భీమ్​గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్​గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య రూ.450 కోట్లతో నిర్మించారు.

ఇవీ చదవండి: