తెలుగులో విజయవంతమైన 'అర్జున్‌రెడ్డి' చిత్రాన్ని హిందీలో 'కబీర్ సింగ్'గా తెరకెక్కించారు. ఇందులో షాహిద్‌ కపూర్, కియారా అడ్వాణిలు నాయకానాయికలుగా నటించి మెప్పించారు. బాక్సాఫీస్ దగ్గర ఘనమైన వసూళ్లు సాధించిందీ సినిమా. అయితే హిందీలో 'కబీర్ సింగ్' తెరపైకి వచ్చినప్పుడు చాలా వివాదాలు చుట్టుముట్టాయి.
ఈ విషయంపై ఇటీవల ఓ ముఖాముఖి కార్యక్రమంలో కియారా కొన్ని ఆసక్తికర విషయాలు పంచుకుంది. సినిమాలు వేరు నిజ జీవితం వేరు. వాటి రెండింటిని ముడిపెట్టి చూడడం సరైనది కాదని చెబుతోందీ బాలీవుడ్‌ నటి.
"కబీర్ సింగ్ చిత్రంలో నేనొక నటిని మాత్రమే. అందులో నా పాత్ర ఏమీ ఉండదు. మనం సినిమాలోని పాత్రనే చూడాలి తప్ప.. మిగతా అంశాలను తప్పుపట్ట కూడదు. నాకు వ్యక్తిగతంగా ఏవో కొన్ని అభిప్రాయాలు ఉండవచ్చు. అలాగని సినిమాలో వచ్చే పాత్రల తీరుపై నేను తప్పు పట్టడం సరైంది కాదు. చిత్రంలో కొన్ని సన్నివేశాల్లో నాకు అసౌకర్యంగానే అనిపించాయి. కానీ నేను పోషించేది నిజ జీవిత పాత్రను కాదు"