'అర్జున్ రెడ్డి'.. టాలీవుడ్లో ట్రెండ్ సెట్టర్ మూవీ. ఈ సినిమాతో హీరో విజయ్ దేవరకొండకు ఎంత ఫేమ్ వచ్చిందో తెలిసిందే. ప్రస్తుతం ఈ చిత్రం హిందీలో రీమేక్ అయింది. తెలుగులో దర్శకత్వం వహించిన సందీప్ రెడ్డి వంగా హిందీలోనూ దర్శకుడే. షాహిద్ కపూర్ హీరోగా నటించాడు. అయితే మొదట ఈ సినిమాకు హీరోగా షాహిద్తో పాటు మరో హీరోను సంప్రదించాడట దర్శకుడు.
తెలుగులోఈ సినిమాకు మొదట హీరోగా శర్వానంద్ను అనుకున్నారంట. ఇంత బోల్డ్ కథాంశానికి తాను న్యాయం చేయలేనని శర్వా తప్పుకోగా ఆ అవకాశం విజయ్ దేవరకొండను వరించింది. ప్రస్తుతం హిందీలోనూ ఇదే సీన్ రిపీట్ అయింది. 'అర్జున్ రెడ్డి' హిందీరీమేక్ 'కబీర్ సింగ్'లో మొదట హీరోగా షాహిద్తో పాటు అర్జున్ కపూర్ను అనుకున్నాడట దర్శకుడు సందీప్. వీరిద్దరితో ఒకేసారి చర్చలు జరిపాడట. కానీ ఆ తర్వాత షాహిద్నే ఫైనల్ చేసి సినిమా పట్టాలెక్కించాడట దర్శకుడు.