'జోకర్' ప్రపంచవ్యాప్తంగా మంచి విజయం సాధించిన చిత్రం. జోక్విన్ ఫోనిక్స్ జోకర్ పాత్రలో నటించిన ఈ సినిమాను టాడ్ ఫిలిప్స్ తెరకెక్కించారు. ఈ సినిమా బాక్సాఫీసు వద్ద భారీ వసూళ్లు కొల్లగొట్టడమే కాదు.. అందరి ప్రశంసలనూ అందుకుంది. అంతేకాదు.. ఈ చిత్రానికి పలు అంతర్జాతీయ పురస్కారాలు దక్కాయి.
92వ ఆస్కార్ పురస్కారాల్లో 11 నామినేషన్లు దక్కించుకున్న ఈ చిత్రం ఉత్తమ నటుడు, ఉత్తమ ఒరిజనల్ స్క్రీన్ప్లే విభాగాల్లో పురస్కారాలు గెలుచుకుంది. ఇంతటి ఘన విజయం సాధించిన ఈ సినిమాకు ఇప్పుడు సీక్వెల్ చేయడానికి సన్నాహాలు జరుగుతున్నాయి. గతంలో దర్శకుడు టాడ్ ఫిలిప్స్ కూడా ఈ విషయాన్ని ప్రస్తావించారు.