కాశ్వీ నాయర్‌ దర్శకత్వంలో మూడు తరాల ప్రేమకథ నేపథ్యంగా ఓ చిత్రం తెరకెక్కుతోంది. ఇందులో నాయికానాయకులుగా అర్జున్ కపూర్, రకుల్‌ప్రీత్‌ సింగ్‌ నటిస్తున్నారు. అయితే తాజాగా ఈ చిత్రంలో మరో ఇద్దరు బాలీవుడ్ నటులు చేరారు. వారిలో జాన్ అబ్రహాం, అదితీరావు హైదరీలు కీలకపాత్రలో నటించనున్నారు. లాక్‌డౌన్‌ తర్వాత తొలిసారిగా షూటింగ్ ప్రారంభించిన మొదటి చిత్రం ఇదే.
టీ- సీరీస్‌, జెఏ ఫిల్మ్స్ సంయుక్తంగా నిర్మిస్తున్న ఈ చిత్రానికి జాన్ అబ్రహాం, నిఖిల్‌ అడ్వాణీలు నిర్మాతలుగా వ్యవహరిస్తున్నారు. ఇండోర్‌ షూటింగ్‌లో ఒక వారం పాటు జాన్, అదితీలు పాల్గొననున్నారు. మళ్లీ అక్టోబర్‌ నెలలో అవుట్‌డోర్‌ షూటింగ్‌లో నాయికానాయకులు కలిసి పాల్గొంటారు. అదితీరావు... అర్జున్ కపూర్‌కు అమ్మమ్మ పాత్రలో నటించనుంది.