ప్రభాస్​ కోసం విలన్​గా బాలీవుడ్​ హీరో?

ప్రభాస్, శ్రుతిహాసన్​ జంటగా నటిస్తున్న 'సలార్' సినిమాకు సంబంధించిన ఓ వార్త అభిమానులకు ఆసక్తి కలిగిస్తోంది. ఇందులో ప్రతినాయకుడి పాత్ర కోసం బాలీవుడ్​ హీరో జాన్​ అబ్రహాంను చిత్రబృందం సంప్రదించినట్లు తెలుస్తోంది.

డార్లింగ్ ప్రభాస్ హీరోగా, కేజీఎఫ్ ఫేమ్ ప్రశాంత్ నీల్​ తెరకెక్కిస్తున్న 'సలార్' శరవేగంగా షూటింగ్​ పూర్తి చేసుకుంటుంది. పాన్ ఇండియా స్థాయిలో రూపొందుతున్న ఈ చిత్రం గురించి రోజుకో వార్త వస్తూనే ఉంది. ఇప్పుడు కూడా ఓ ఆసక్తికర విషయం చర్చనీయాంశమవుతోంది.

ఈ సినిమాలో ప్రతినాయకుడి పాత్ర కోసం బాలీవుడ్​ నటుడు జాన్ అబ్రహాంను చిత్రబృందం సంప్రదించినట్లు ప్రచారం జరుగుతోంది. ప్రస్తుతం ఈ విషయం చర్చల దశలోనే ఉందని, త్వరలో స్పష్టత రానుందని టాక్. ఈ సినిమాలో శ్రుతిహాసన్ హీరోయిన్​గా నటిస్తోంది. మరోవైపు 'సలార్​'లో ప్రభాస్​ ద్విపాత్రాభినయం కూడా చేయనున్నారంటూ గతంలో వార్తలు వచ్చాయి. ప్రస్తుతం అభిమానుల్లో చర్చ నడుస్తున్న పలు వార్తలపై క్లారిటీ రావాలంటే కొద్దిరోజులు ఎదురుచూడాల్సిందే.

ఇదీ చూడండి:'సీత'గా కరీనా కపూర్​.. రావణుడిగా రణ్​వీర్​ సింగ్​?