బాలీవుడ్​ 'జెర్సీ'​లో షాహిద్ కపూర్

టాలీవుడ్​ సూపర్​హిట్​ 'జెర్సీ'ని బాలీవుడ్​లో రీమేక్​ చేస్తున్నారు. సోమవారం అధికారిక ప్రకటన వెలువడింది. షాహిద్​ కపూర్ హీరోగా నటించనున్నాడు.

ఇటీవలే 'కబీర్​సింగ్​'తో బాక్సాఫీస్​ను​ కొల్లగొట్టిన హీరో షాహిద్ కపూర్ తర్వాత సినిమా ప్రకటన వచ్చింది. ఎప్పటినుంచో వస్తున్న ఊహాగానాలే నిజమయ్యాయి. టాలీవుడ్​ కథానాయకుడు నాని సూపర్​హిట్ చిత్రం 'జెర్సీ' బాలీవుడ్​ రీమేక్​లో నటించనున్నాడు షాహిద్.

అల్లు అరవింద్, దిల్​రాజు.. అమన్​గిల్​తో కలిసి ఈ సినిమాను నిర్మిస్తున్నారు. మాతృకను తెరకెక్కించిన గౌతమ్ తిన్ననూరి దర్శకత్వం వహించనున్నాడు. వచ్చే ఏడాది ఆగస్టు 28న ప్రేక్షకుల ముందుకు రానుంది.

అర్జున్ అనే ఓ రంజీ క్రికెటర్, భారత జట్టుకు ఆడాలనే కలను ఎలా నెరవేర్చుకున్నాడు? ఆ ప్రయాణంలో తనకు ఎదురైన అనుభవాలు తదితర అంశాలే ఈ చిత్ర కథాంశం.

జెర్సీ సినిమాలో ఓ సన్నివేశం

ఇది చదవండి: తమిళ ‘జెర్సీ’లో విశాల్, అమలాపాల్​..?