ఎన్టీఆర్​ స్టెప్పులతో మళ్లీ అదరగొట్టిన జపాన్​ జోడీ

ఇటీవలే యంగ్​టైగర్ ఎన్డీఆర్​ సినిమాలోని పాటలకు స్టెప్పులేసి అందరినీ ఆకట్టుకుంది జపాన్​కు చెందిన​ ఓ​ జోడీ. ఇప్పుడు 'కంత్రి' చిత్రంలోని 'వయస్సునామి' పాటతో మరోసారి అలరించేందుకు వచ్చేసింది.

యంగ్ టైగర్​ ఎన్టీఆర్‌ పక్కన స్టెప్పులేయాలని చాలా మంది హీరోయిన్లు ఆశిస్తుంటారు. కొంతమందైతే ఎన్టీఆర్‌ డ్యాన్స్‌ను మ్యాచ్‌ చేయడం కష్టమని కూడా చెబుతుంటారు. తన మెస్మరైజింగ్ స్టెప్పులకు మన దేశంలోనే కాదు జపాన్​లోనూ మంచి క్రేజ్​ ఉంది. ఈ క్రమంలోనే ఇటీవలే కాలంలో ఎన్టీఆర్​ మాస్​ సాంగ్స్​కు స్టెప్పులేసి టాలీవుడ్​, తారక్​ అభిమానుల మనసు గెలుచుకుంది ఓ జపనీస్​ జంట. ఇప్పుడు మరో అదిరిపోయే ప్రదర్శనతో మళ్లీ మన ముందుకొచ్చింది.

'కంత్రి' సినిమాలోని 'వయస్సునామి' సాంగ్​కు జపాన్​కు చెందిన భార్యాభర్తలిద్దరూ ఇంటి పనులు చేస్తూ నవ్విస్తూనే.. తారక్, హన్సికలు వేసిన స్టెప్పులను అచ్చు గుద్దినట్లు దింపేసి ఆశ్చర్యపరిచారు.

గతంలోనూ ఎన్టీఆర్​ నటించిన 'అశోక్'​ సినిమాలోని 'గోల గోల' పాటకు, 'సింహాద్రి' చిత్రంలోని 'చీమచీమ' సాంగ్​కు స్టెప్పులేసి నెటిజన్ల ప్రశంసలు అదుకుందీ జంట.